………………………………………………………………………………..
…..

***  Die prokureur van die 15-jarige verdagte in die Eugene
Terre’Blanche-moordsaak het bevestig dat die minderjarige kind nie deur
Terre’Blanche seksueel gemolesteer of mishandel is nie.

Dit ná berigte die naweek dat die verdagtes glo hulleself verdedig het teen
beweerde seksuele toenadering.

Volgens die SAUK het die jeugdige se prokureur, Zola Majavu, vanoggend gesê
ingevolge die nuwe Kinderwet is daar streng beperkinge op die bekendmaking
van inligting, maar hy kan egter bevestig dat die kind aangedui het dat hy
nie seksueel aangerand of gemolesteer is nie.

***  Die voormalige nasionale polisiehoof, Jackie Selebi, sal na verwagting
vandag in die Suid-Gautengse Hooggeregshof in Johannesburg hoor of hy
kwytskelding gaan kry op aanklagte van korrupsie en dwarsboming van die
­gereg.

Selebi se regspan het die hof gevra om die aanklagte teen hom te laat vaar,
omdat die staat se hoofgetuie, die dwelmbaas Glenn Agliotti, uiters swak
was.

Die staat het egter aangevoer dat teenstrydighede in Agliotti se getuienis
nie ‘n kwytskelding regverdig nie en dat daar oorgenoeg bewyse is om met die
saak voort te gaan.

***  Die Regterlike Dienskommissie (RDK) begin vandag in Kaapstad met
onderhoude met 50 aspirant-regters vir 27 vakante poste op die regbank.

Onderhoude in die onlangse verlede is dikwels gekenmerk deur aggressiewe
ondervraging van aansoekers met apartheidsbagasie.

Die hoofsweep van die Inkatha Vryheidsparty, Koos van der Merwe, het aan Die
Burger gesê sommige mense stel nie meer belang om aansoek om regterposte te
doen nie, want hulle voel soos beskuldigdes in ’n beskuldigdebank.

Hy sê mense moet op grond van die meriete van hulle werk beoordeel word.

Advokaat Hennie de Vos van Pretoria is verlede jaar deur die RDK versoek om
verskoning te vra vir die tyd tussen 1982 en 1987 toe hy ’n lid van die
destydse Konserwatiewe Party was.

***  Verkeer op die N4 tussen Nelspruit en Komatipoort in Mpumalanga is
vanoggend erg ontwrig nadat ‘n vragmotor naby die Matsulu-afrit omgeslaan
het.

Die pad was byna heeltemal versper waar die vragmotor, wat dekgras vervoer
het, omgeslaan het.

***  Betogers teen die regering in Thailand het belowe om voort te gaan met
hulle pogings om die regering van eerste minister Abhisit Vejjajiva omver te
werp.

Die betogers, bekend as die Red Shirts, sê die tyd vir onderhandelings is
verby ná die ergste politieke onrus in 18 jaar.

In die hoofstad, Bangkok, is 21 mense die naweek in straatgevegte tussen
veiligheidsmaglede en betogers dood, terwyl meer as 800 beseer is.

***  Die Wêreldbank sê voortgesette ekonomiese groei in die besette Wesoewer
sal afhang van verdere stappe deur Israel om beperkings op beweging op te
hef.

Die bank sê op die vooraand van ‘n skenkerskonferensie in Madrid, Spanje,
die finansiële posisie van die Palestynse Owerheid bly haglik en ondanks
tekens van ekonomiese groei in die Wesoewer, is die volhoubaarheid daarvan
twyfelagtig.

Die Wêreldbank het aanbeveel dat verligting van die ekonomiese beperkings op
die Wesoewer en die opheffing van die blokkade van die Gazastrook ‘n top
prioriteit van die regering moet bly.

***  Rugbynuus is dat die Waikato Chiefs se losvoorspeler Jarrad Hoeata twee
weke lank geskors is omdat hy ‘n teenstander in Saterdag se Super
14-wedstryd teen die Bulls in Hamilton met die vuis geslaan het.

Hoeata het vandag in Wellington voor ‘n Sanzar-regsbeampte verskyn nadat hy
uitgewys is omdat hy die Bulls se plaasvervanger-slot, Flip van der Merwe,
geslaan het.

Die Bulls het die kragmeting met 33-19 gewen.

***  Finansiële aanwysers:  Die rand verhandel op 7 rand 26 sent teenoor die
dollar, op 11 rand 21 sent teenoor die pond en op 9 rand 88 sent teenoor die
euro.

Goud het kort gelede verhandel teen 1,164 dollar per fynons en platinum teen
1,727 dollar.

Die jongste prys van Brent Noordsee-olie is 86 dollar 24 sent per vat.

Die einde van die Nuus wat geskryf en saamgestel is deur Willie Visagie

van PenOrent-nuus ©

………………………………………………………………………………..
…..

***  ‘n Woordvoerder van die ANC, Ishmael Mnisi, kon nie vanoggend ‘n berig bevestig dat die party se jeugleier, Julius Malema, aangesê is om nie meer die woorde “Skiet die Boere” as deel van ’n omstrede bevrydingslied te sing nie.

Hy sê hy weet egter dat amptenare van die ANC dit eens is dat hulle met
Malema moet vergader, maar hy weet nie of die vergadering al plaasgevind het nie.

Die ANC is op die oomblik besig met ‘n media-inligtingsvergadering in
Johannesburg oor die aangeleentheid.  

Beeld berig dat die ANC se sekretaris-generaal, Gwede Mantashe en president Jacob Zuma, gisteraand aan Malema opdrag gegee het dat hy nie meer die lied mag sing nie en om hom te weerhou om uitlatings te maak wat opswepend is.

***  Volgens die departement van Gesondheid het ses mense in die Vrystaat en Noord-Kaap reeds weens slenkdalkoors gesterf.

Die getal mense wat met die siekte besmet is, het tot 87 gestyg.

Woordvoerder Charity Bhengu sê die nasionale instituut van oordraagbare
siektes het 68 gevalle en vier sterftes in die Vrystaat bevestig.

Twee sterftes het in die Noord-Kaap voorgekom met elf bevestigde gevalle van slenkdalkoors.

Sewe gevalle kom in die Oos-Kaap voor, terwyl deaar een geval in Noordwes
is.

***  Die saak teen die musikant Molemo “Jub Jub” Maarohanye en Themba
Tshabalala is vanoggend in die Protea-landdroshof in Soweto vir verdere
ondersoek tot 28 Mei uitgestel.

Hulle word daarvan beskuldig dat hulle vier skoolkinders doodgery het toe
hulle in die strate van Soweto resies gejaag het.

Hulle word deur aanklagte van moord, roekelose en nalatige bestuur en
bestuur onder die invloed van alkohol in die gesig gestaar.
Volgens ‘n woordvoerder van die nasionale vervolgingsgesag, Mthunzi Mhaga, is die saak uitgestel sodat ‘n verdere ondersoek na die oorsaak van die ongeluk gedoen kan word.

***  Die leier van die Demokratiese Alliansie, Helen Zille, gaan vandag ‘n
telefoonkonferensie met die hoof van die Wêreldbank in Suid-Afrika, Ruth
Kagia, hou oor Eskom se aansoek vir ‘n lening van 28-miljard rand.

Die geld sal aangewend word om Hitachi Africa te betaal vir die bou van die
Medupi steenkool-kragstasie in Limpopo.

Die ANC se beleggingsarm — Chancellor House — het ‘n 25-persent aandeel in Hitachi Africa.

Zille sê haar party steun die aansoek om nog ’n kragkrisis te verhoed, maar
die ANC sal na raming ’n skoon wins van ‘n miljard rand daaruit maak en daar kan eenvoudig nie toegelaat word dat die ANC tenders ter waarde van etlike miljarde rand aan homself toeken nie.

***  Die N3-hoofweg by Van Reenenspas is gesluit ná ‘n botsing vanoggend
waarin drie vragmotors betrokke was.
Een persoon is dood en nog drie mense ernstig beseer in die ongeluk.

Volgens die KwaZulu-Natalse verkeersdepartement staan die verkeer doodstil en is daar ook geen alternatiewe roetes nie.

Die ongeluk het kort voor vyfuur vanoggend gebeur.

***  ‘n Black Hawk-helikopter moes vanoggend gebruik word om parlementslede van Thailand wat deur anti-regeringsbetogers vasgekeer is, te red.

Die land se regerings-veiligheidsagentskap sê die helikopter met vyf
gewapende soldate aan boord, het by die parlementsgebou in Bangkok geland om ministers en parlementslede op te pik nadat die betogers die gebou omsingel het.

Die Thaise televisiediens berig dat betogers verby onlustepolisielede gebeur
en die parlementsgebou binnegedring het.

Die sogenaamde Red Shirt-betogers eis dat die eerste minister, Abhisit
Vejjajiva, die parlement ontbind en ‘n nuwe verkiesing hou.

***  Finansiële aanwysers:  Die rand verhandel op 7 rand 22 sent teenoor die
dollar, op 11 rand een sent teenoor die pond en op 9 rand 66 sent teenoor
die euro.

Goud het kort gelede verhandel teen 1,135 dollar per fynons en platinum teen
1,716 dollar.

Die jongste prys van Brent Noordsee-olie is 86 dollar 55 sent per vat.

Die einde van die Nuus wat geskryf en saamgestel is deur Willie Visagie

van PenOrent-nuus ©.

18 April 2010 om 15:00. 

Hannelie Botha en ensemble sal by die geleentheid optree, terwyl port en verskeie heerlike poedings bedien sal word. 

**Die fondsinsamelingskonsert word gehou ten bate van Princess Christian Tehuis.**

Om te bespreek of vir meer inligting, kontak Sarie Coetzee of Linda Montgomery by 012 460 2221 of besoek ons webtuiste: www.princesschristianhome.org.

# Die masel-sterftesyfer in die Wes-Kaap het tot dertien gestyg. Die meerderheid slagoffers is babas. Verpleegkundiges en werkers by gesondheidsinstellings berei nou voor vir volgende maand se massa-inentingsveldtog waartydens ‘n duisend mens ingeënt sal word. Die masels-afsonderingsaal in die Tygerberg-hospitaal in Kaapstad is met nog agtien beddens uitgebrei. Die provinsiale minister van Gesondheid, Theuns Botha, sê die Somerset-hospitaal se afsonderingsale is ook vol.  
 
Slenkdalkoors het intussen ook na die Wes-Kaap versprei, ondanks die strategiese toediening van 40-duisend dosisse entstof in die omgewing van Murraysburg in die Karoo. Die siekte is by Beaufort-Wes ontdek. Die provinsiale Landboudepartement sê die staatsveearts wat die karkasse van diere ondersoek het wat aan slenkdalkoors gevrek het, het vermoedelik ook besmet geraak. Hy is in ‘n bestendige toestand onder mediese toesig by die huis.  

# Die Apostoliese Geloofsending van Suid-Afrika het ‘n beroep op die ANC gedoen om die leiding te neem met versoening in die land. Dit volg ndat die regerende party aangekondig het dat hy gaan appelleer teen verlede week se Hooggeregshof-beslissing dat die sogenaamde strydlied “Skiet die Boere” op haatspraak neerkom. AGS se president, Isak Burger, sê die ANC moet die besluit aanvaar en voortgaan met versoeningspogings. Hy sê deur daarteen te appelleer stook die party net die vure van rasse-polarisasie aan:

# Cosatu sê die Wes-Kaapse premier, Helen Zille, behoort haar uitvoerende gesag se salarisse te beperk net soos sy hulle besteding aan amptelike voertuie ingeperk het. Woordvoerder Tony Ehrenreich sê die vakbondfederasie verwelkom die provinsie se plan om sy eie laebegrotings-ministershandboek te skryf wat besteding aan voertuie bestuur. Die Wes-Kaap behoort egter ook die buitensporige salarisse van openbare ampsdraers te hersien. Ehrenreich sê dit behoort burgemeesters, premiers en ander verteenwoordigers in te sluit.    

# Roofgebruike is steeds aan die toeneem in Frankryk, ondanks streng wetgewing wat verlede jaar deurgevoer is. Die land het in Oktober op roofmusiek en -rolprente toegeslaan, maar kenners sê dit word nie afgedwing nie. Die wetgewing behels ‘n drieledige straf teen onwettige aanlyn-bedrywighede, met gewoonte-oortreders wat van die internet afgesny word, swaar beboet of tronkstraf opgelê word. Mariana Vos het die besonderhede:   

# Gholf: Ernie Els van Suid-Afrika is weer stewig op die wenpad met sy tweede PGA-toernooioorwinning in ‘n ry. Hy het die Arnold Palmer-uitnodigingstoernooi in Orlando, Florida, met twee houe gewen nadat hy die aanslag van Kevin Na van Amerika en die Italianer Edoardo Molinaro afgeweer het. Els het die toernooi voltooi in 277 houe, elf onder syfer.

# En geldsake: Die rand verhandel tans teen 7 rand-39 teen die dollar, 9 rand-97 teen die euro en 11 rand-6 sent teen die pond. Die goudprys is duisend-110 dollar-5 sent per fynons en Brent ruolie kos 80 dollar-31 per vat.

Dit is die einde van die nuus, saamgestel deur NuusFlits Nuusagentskap

Tel: +27 12 325 3920 x 217

Faks/Fax: +27 12 324 4109 / +27 12 325 1206

mvdspuy@savf.co.za

www.savf.co.za

# Die leier van die Demokratiese Alliansie, Helen Zille, sê haar party gaan voort om oral in Suid-Afrika te groei en wen al meer setels wat voorheen aan die ANC behoort het. Sy het kommentaar gelewer na DA-oorwinnings in tussenverkiesings in die plaaslike owerhede Boland, Breedevallei en Theewaterskloof. Breedevallei het eers aan die ANC behoort. Zille sê haar party het in verlede jaar se algemene verkiesing vier setels by die ANC afgeneem, en een by Icosa.  

# AgriSuid-Afrika se president, Johannes Möller, is bekommerd dat ideologies-gedrewe ingrypings in die grondmark vertroue kan belemmer en beleggings afskrik. Hy sê dit sal negatiewe langtermyn-gevolge inhou vir voedselproduksie en werkskepping op plase. Möller het reageer op regeringsplanne om die hoeveelheid grond te beperk wat ‘n boer mag besit. Hy het egter die belofte van die minister van Landelike Ontwikkeling en Grondhervorming, Gugile Nkwinti, verwelkom om pragmaties te wees ten opsigte van grondige veranderings aan grond-eienaarskap.

# Tot ‘n honderd polisielede van die Australiese staat Victoria word ondersoek oor ‘n rassistiese epos-boodskap waarin ‘n nie-blanke man gemartel word. Die staat se polisiemag is vroeër gekritiseer omdat hy nie voldoende reageer het op ‘n reeks aanvalle op Indiese studente in Melbourne nie. Vroeër die maand het die polisiehoof erken dat sommige van die lede rassisties is. ABC News berig dat dit gevolg het op ‘n verdoemende verslag waarin lede beskuldig word van die mishandeling van ‘n jeugdige uit Afrika.

# Samesprekings tussen Amerika en Israel oor die vermindering van spanning tussen hulle het geëindig sonder enige teken van ‘n deurbraak. Die Israelse premier, Benjamin Netanyahu, het Washington verlaat na twee dae van ontmoetings om vredesonderhandelings met die Palestyne weer op koers te kry. Hy het aan verslaggewers gesê ‘n mate van vordering is gemaak, maar nie hy of die Withuis het enige ooreenkoms genoem nie. Amerika het Israel gekritiseer oor sy jongste planne om huise in die besette Oos-Jerusalem te bou. 

# Nog ‘n Amerikaanse internet-maatskappy het aangekondig dat hy gedeeltelik aan die Sjinese mark gaan onttrek weens kommer oor sensorskap. Google het vroeër opgehou om sy gebruikers in Sjina te sensor en begin om hulle na sy Hongkongse webblad te herlei. Die BBC berig dat Now Go Daddy, een van die grootste domeinnaam-registrasiemaatskappye ter wêreld, sê hy registreer nie meer name in Sjina nie weens wat hy bestempel as die regering se nuwe inmengende reëls.

# En geldsake: Die rand verhandel tans teen 7 rand-38 teen die dollar, 9 rand-84 teen die euro en 11 rand-1 sent teen die pond. Die goudprys is duisend-92 dollar-13 sent per fynons en Brent ruolie kos 79 dollar-58 per vat.

Dit is die einde van die nuus, saamgestel deur NuusFlits Nuusagentskap.

***  Duisende pendelaars is vanoggend gestrand gelaat weens die staking deur taxiverenigings in die Wes-Kaap.
Volgens berigte is vragmotors en busse glo op die N2 met klippe bestook.

Xenophone Wentzel van die Wes-Kaapse verkeersdepartement sê by die Nyanga-taxistaanplek is busse ook met klippe gegooi.

Die Wes-Kaapse Taxi-alliansie - wat meer as 150 taxigroepe verteenwoordig - is ontevrede oor die implementering van die snelvervoerbusdiens.

***  Polisiewoordvoerder Frederick van Wyk sê intussen geen oproerige of gewelddadige voorvalle is tot dusver aangemeld nie.

Polisielede was sedert tweeuur vanoggend by brandpunte regoor die
Skiereiland ontplooi en monitor die toestand.

*** Een persoon is dood en 16 mense beseer in ‘n botsing reg van voor tussen twee taxi’s naby die Indaba Hotel, noord van Johannesburg.

Volgens Werner Vermaak van die ER24-nooddiens is die bestuurder van een van die taxi’s dood, terwyl die ander bestuurder in ‘n kritieke toestand per helikopter na die hospitaal vervoer is.

***  Vyf gevalle van ‘n nuwe virus, wat deur die gewone huismuskiet versprei word, is in Bloemfontein geïdentifiseer.
‘n Mikrobioloog en viroloog, dr. Chris Janse van Rensburg, het aan die
Volksblad gesê die virus lei tot ‘n siekte waarvan die simptome soortgelyk is aan dié van die sogenaamde jappie-griep.

Hy sê met al die muskiete ná die baie reën in omloop, is dit baie maklik om die simptome van die nuwe virus soos gewrigspyne, spierpyne, hoofpyn, koors en dalk ‘n ligte uitslag sowat drie tot sewe dae later, mis te kyk.
Soos die jappie-griep van ‘n paar jaar gelede, kan dit ook lei tot moegheid en ongesteldheid wat tot 24 maande kan duur.

***  Israel se eerste minister, Benjamin Netanyahu, hou vol dat Israel ‘n
reg het om huise in Jerusalem op te rig.

Dit te midde van ‘n geskil met Amerika oor Israel se planne om
een-duisend-600 huise in Oos-Jerusalem te bou.

Hy het in Washington gesê Jerusalem is Israel se hoofstad en nie ‘n
nedersetting nie.

Hy sê nedersettings in die besette Oos-Jerusalem is ‘n onlosmaalike deel van
die stad en sal ingevolge enige vredesooreenkoms deel van Israel bly.

***  Die Amerikaanse minister van buitelandse sake, Hillary Clinton, het
vroeër gesê Israel sal moeilike keuses moet maak ter wille van vrede.

Sy sê die voortgesette uitbreiding van Joodse nedersettings in Palestynse
besette gebiede ondermyn Amerika se rol in die vredesproses.

***  Die agtsteman van die All Blacks en die Waikato Chiefs, Sione Lauaki,
het in ‘n distrikshof in Hamilton skuldig gepleit op ‘n aanklag van
aanranding.

Hy is op borgtog vrygelaat en moet weer op 6 Mei in die hof verskyn in
verband met ‘n voorval vroeër die maand in ‘n kroeg in Hamilton.

Die 28-jarige Lauaki, wat al in 17 toetse vir Nieu-Seeland gespeel het, het
gesê hy is teleurgesteld met sy optrede en het sy familie en spanmaats om
verskoning gevra.

***  Krieket:  Die teetydtelling op die vierde dag van die tweede en laaste
toets tussen Engeland en Bangladesj in Dhaka was 115 vir drie in Bangladesj
se tweede beurt.

Engeland is vroeër vir 496 lopies uitgehaal vir ‘n eerstebeurt-voorsprong
van 77 lopies.

***  Nog krieketnuus is dat die Diamond Eagles hulle laaste
SuperSportreekswedstryd van die seisoen teen die Titans sonder hulle
kaptein, Morné van Wyk, sal moet klaarkom.

Hy is geskors oor sy span se stadige boultempo in die naweek se wedstryd
teen die Warriors.

Die Eagles het 20-komma-68 punte vir hulle oorwinning ingeoes, maar dit is
met ses punte verminder as straf vir die stadige boultempo.

***  Finansiële aanwysers:  Die rand verhandel op 7 rand 36 sent teenoor die
dollar, op 11 rand 8 sent teenoor die pond en op 9 rand 94 sent teenoor die
euro.

Goud het kort gelede verhandel teen 1,103 dollar per fynons en platinum teen
1,604 dollar.

Die jongste prys van Brent Noordsee-olie is 80 dollar 21 sent per vat.

……………………………………………………………………….
………………………..

Die einde van die Nuus wat geskryf en saamgestel is deur Willie Visagie

van PenOrent-nuus ©.

SHALOM Worship Centre hosts an Easter Conference with Danie Slabbert, Deon Hockey and Jean-Pierre Bekker

Date:   

Friday 2 April to Sunday 4 April

Venue: 

SHALOM Worship Centre cnr Dr Swanepoel and 3^rd Road, Montana

Contact:

Kobus de Lange – (012) 548 9853 or 084 320 1700

Kobus de Lange

SHALOM Worship Centre

Tel: 012 548 9853

Not going away for the long weekend?

Green Market Events.
Saturday afternoon, 3 April from 16:00-21:00 @ KLITSGRAS. 
Easter Star-gazing evening and Picnic. Its an Easter Family Affair…

- Bonfires, stalls, music,
- Hot drinks,
- Easter hunt for the kids and star-gazing with telescopes (talk by Johan Smit - Chairman of the ASSA Pretoria).

Book your picnic spot or stall now!
Contact Melissa at
greenmelilly@gmail.com or 083 562 5249.